Politik 1450 bet 1500

1477 fangt Magnus II. an, de Politik ganz un gor ümtauwöltern. Mäkelborg is wedder vereint un hei schmitt ‘n Oog up de Ordnung bi de Finanzen, up de Qualefizierung vun de Beamten un den Schmiss in de Verwaltung. Hei wull de Autonomie bräken, de de Seestädte bi binah allens hebben. Mann, dat schafft hei nich.

1474 oewernimmt Bogislaw X. dat Regieren in Pommern-Wolgast-Stolp un vier Johren later ok in Pommern-Wolgast. So kümmt dat, dat dat Herzogtum nah 200 Johren wedder tausamenschlaten is. Bogislaw X. hett ‘ne gaude Hand bi dat dynastische Verheuraden vun siene Lüüd, so dat dat ümtau keine Probleme mit de Nahwerschaft miehr gifft. Hei gifft Orrer, dat Ämter bill’t warden, dat röm’sche recht anwenn’t ward un dat bi dat Verwalten Akten führt warden sallen. Dat is bannig modern. Hei kriggt twors denn Binamen "de Grote", man, gägen de Kraasch vun de grötteren Städten kümmt hei ok nich an.