Politik 1850 bet 1900

1867/ 68 träd Mäkelborg in den Nuurddüütschen Bund un in den Zollverein in un so fangt dat Enn vun de Mäkelborg‘sche Sülwststännigkeit as Staat an. Dat Gesetz oewer de „Freizügigkeit“ vun 1868 garantiert, dat ‘n sick frie utsäuken dörf, wo ein‘ wahnen mag. Dat Gewerbegesetz vun 1869 leggt fast, dat dat nu nich miehr Plicht is, in‘ne Gill tau sien. 1871 ward Mäkelborg tau‘n Part vun dat Düütsche Riek. De standesamtlich‘ Hochtied un de Frieheit in den Globen warden 1847 tau‘n Gesetz. In Mäkelborg gifft dat ‘ne sachte liberale Oppositschion, de up ein Stück pläugen. De Sozialdemokraten faten ok Faut. Vun 1886 an gifft dat ‘ne Düütsche Kolonialgesellschaft. In Mäkelborg finnt dei väl Tauloop, as 1895 Johann Albrecht Herzog tau ’n Mäkelborg‘schen Präsident vun de Kolonialgesellschaft ward. De Landständ’sche Union blifft erhollen.

1868 kümmt dat niege Gesetz vun de Freizügigkeiten, wat garantieren deit, dat jedein wahnen dörf, wo hei mach. 1869 ward de Plicht in ‘ne Zunft tau sien, uphaben. 1871 gahn 14 Pommern in denn Düütschen Rieksdag sitten. Sick in dat Stannesamt tau verfriegen un tau Glöben, wat’n will, dat ward 1874 tau‘n Gesetz. 1875 kümmt dat in Pommern dörch ‘ne Reform dortau, dat sei ‘n eigen Provinzialverband hebben mit’n Landdag, ‘n Utschuss un ein Lanneshauptmann orrer Lannesdirekter. Hei hett ‘ne eigen Kass un so’n poor Frieheiten un so geiht dat besünners bi dat Soziale un in denn Verkiehr vörwards. Bet 1881 kamen de Stänn in denn Kommunallanddag vun Niegvörpommern in Stralsund tausamen. Denn schluten sei sick mit Ollpommern tausamen un hollen ehren Landdag in Stettin af. 1891 kümmt ‘ne niege Landgemeindeordnung un dunn sünd de Reformen trecht.