Dynastie

De Adelsfamilie, de in Mäkelborg dat Seggen harr, ward nah de slawischen Vörfohren, de se harden, ok Niklotiden orrer Pribisliden nömt. Dat Fürstenhuus hüürt tau de öllsten un stünnigsten in Düütschland. 1918 nah de Revolutschion ist de Grotherzog vun den Thron torüchträden. De Linie vun de Mannslüüd starwt 1996 ut. Vun de Tied an ward dat „Huus Mäkelborg“ tau’n iersten Mal in de Geschicht‘ vun ein‘ Fru anführt – vun Herzogsfru Donata vun Mäkelborg.

Dat Familiengeschlecht mit den Vagel Griep, dat „Greifengeschlecht“ in Pommern, geiht trüch up slaw’sche Wöddeln. De ierst Herzog, den’n in de Geschicht nahwiesen kunn, is Wartislaw I. De Herzög, de dat Seggen hebben, deilen dat Land ‘n poor Mal ünner sick up. De längte Tied bestahn Pommern-Wolgast un Pommern-Stettin. 1637 blifft Bogislaw XIV. dot un dunn wier’t mit dat pommer’sch Herzogshuus ut un vörbi. Pommern twält sick denn in schwed’sch un prüß’sch.