Forschen un liehrn

In‘t Middelöller sünd de Schaul un dat Liehren jedein sien eigen Sak. För de Jungs vun de bäteren Lüüd ut de Stadt gifft dat de Lateinschaulen. In Rostock ward 1419 ‘ne Universität grünn‘t.

Mit de Reformatschion kriegen de Schaulen in de Stadt un de „Küsterschaulen“ up‘t Dörp ‘n Upschwung. In de Fürstenschaulen liehrten de jungen Eddellüüd. Ierst in‘t 19. Johrhunnert enstahn bilütten Gymnasien, wat Schaulen för bädere Döchter wiern, Berufsschaulen, Liehrerseminare, de Technika in Niestadt-Glewe, Niegenstrelitz un Stiernbarg un ok de Seefohrtsschaulen in Wismar un Wustrow.

In de DDR-Tied hett de Universität in Rostock den Namen Wilhelm Pieck. Denn entwickeln sick ok Fackschaulen, vun de nah 1990 wegg as Hochschaulen wieder loopen. Ut de „Erweiterten Oberschulen“ warden wedder Gymnasien.

Wat de Slawen un Germanen so weiten, ward in de Stämm‘ wiedervertellt.

In‘t Middelöller sünd de Schaul un dat Liehren jedein sien eigen Sak. För de Jungs vun de bäteren Lüüd ut de Stadt gifft dat de Lateinschaulen. 1456 ward in de Hansestadt Griepswold ‘ne Universität grünnt.

Mit de Reformatschion kriegen de Schaulen in de Stadt ok för Diern.

Gymnasien säkern af, dat de dor ‘n Afschluss maken, studieren gahn koenen. Bilütten Gymnasien, wat Schaulen för bädere Döchter wiern, Berufsschaulen un ok de Seefohrtsschaulen in Stralsund un Barth enstahn in dat 19. Johrhunnert.

De Universität in Griepswold kriggt 1933 denn Namen vun Ernst Moritz Arndt. Nah 1990 potestieren weck Lüüd dorgägen. In de DDR-Tied kriggt Stalsund ‘ne Hochschaul för Offiziere vun de Volksmarine.

1990 warden ut de "Erweiterten Oberschulen" wedder Gymnasien. In Stralsund grünnen sei ‘ne Fackhochschaul.