Landwirtschaft

Siet œwer 1000 Johren richt‘ sick hier in de Gägend allens nah de Landwirtschaft. De Slawen ackerierten hier all mit‘n Hakenplaug un bedräben Veihtucht. Bi 1200 rüm kamen Siedlers ut‘n Westen. Sei bringen den Ackerbuug mit miehrere Feller un den Plaug, de in de Ierd dat Ünnelst‘ nah baben kiehrt. Dordörch, dat sei denn väle Buern ehren Hoff un ehr Land intreckt un enteigent hebben, enstahn bet tau dat 17. Johrhunnert grote Gäuder, de up grote Schläg‘ Acker un ok Weideland wirtschaften daun. Üm 1850 rüm fangt de Mechanisierung un ok de Chemisierung in de Landwirtschaft an. 1945 warden de Gautsherren dörch de Bodenreform enteigent un dat Land ward an lütte Buern gäben. Œwer all 1960 ward dat Land wedder inkassiert un in Landwirtschaftlich‘ Produktschionsgenossenschaften tausamenschloten. Disse groten Schläg’ blieben ok nah 1990 as niege Genossenschaften orrer up anner Oort un Wies erhollen.

Siet œwer 1000 Johren richt‘ sick hier in de Gägend allens nah de Landwirtschaft. De Slawen ackerierten hier all mit‘n Hakenplaug un bedräben Veihtucht. Bi 1200 rüm kamen Siedlers ut‘n Westen. Sei bringen den Ackerbuug mit miehrere Feller un den Plaug, de in de Ierd dat Ünnelst‘ nah baben kiehrt. Dordörch, dat sei denn väle Buern ehren Hoff un ehr Land intreckt un enteigent hebben, enstahn bet tau dat 17. Johrhunnert grote Gäuder, de up grote Schläg‘ Acker un ok Weideland wirtschaften daun. Üm 1850 rüm fangt de Mechanisierung un ok de Chemisierung in de Landwirtschaft an. 1945 warden de Gautsherren dörch de Bodenreform enteigent un dat Land ward an lütte Buern gäben. Œwer all 1960 ward dat Land wedder inkassiert un in Landwirtschaftlich‘ Produktschionsgenossenschaften tausamenschloten. Disse groten Schläg’ blieben ok nah 1990 as niege Genossenschaften orrer up anner Oort un Wies erhollen.