Tau Mäkelborg hüürt tau de Tied blot ein Drüttteil vun dat Land, wat laterdortau hüüren deit. Dat gifft kein Herrschaft för dat heele Land, denn dörch Arwschaften ward dat ümmer wedder updeilt. Dat ierste Mal deilt sick de Obodritenarwschaft 1229/1235 in de Herrschaften Mäkelborg, Rostock, Werle-Güstrow un Parchim-Richtenbarg. In disse niege Ordnung hebben ümmer de dat Seggen, de dat Land hüürt. Boebelste warden Territorialfürsten, de Städte grünnen, wo sick Kooplüüd un Handwarkslüüd ansiedeln. Preister un Mönche grünnen Klöster. Sei bringen den Christengloben in‘t Land un laten Basiliken un Hallenkirchen buugen. De Kirchspäle organisieren de Gemeinde so, dat jedein Inwahner mitmaken kann. In de Städte schluten sick de Handwarkslüüd in Ämter tausamen. Wegg vun de verkööpen ehre Waren in‘t Utland.
1200 bet 1250
Barnim I. vun Pommern-Stettin (üm 1220-1278) makt sick as ierster vun de Herzög an den Utbuug vun sien Land. Hei grünn’t oewer 30 Städten. Siene Residenz in Stettin is’ne Stadt ut Holt. De Herzög‘ regieren oewer dat Land, dat ehr hüürt, indäm sei dat de lokalen Grundherren un Eddellüüd up de Rittergäuder beleihnen. Dat dat, wat aarwt ward ümmer wedder updeilt ward, makt dat de Lannesherren nich tau satrk warden.
Nah dat Roden vun‘n Holln dörch Buern ut Bramborg, ut dat Erzstift Magdeburg un ut dat Boebelste Sachsen enstahn Hagenhaufen-, Brink- un Stratendörper nah de düütschen Haufenordnung ofteins näben slawische Dörper.
Kooplüüd setten sick bi de Münn‘ vun de Oder fast un drieben dor Binnen- un Seehannel. In de Städt‘ setten sick Handwarkers fast. Sei hebben sick ok in Kopp sett, nah dat Utland tau verköpen.
Preisters un Mönken grünnen Klösters un bedrieben Schaulen. Kirchen buugen sei vun Granit un mit Backstein. De Globen an Christus is nu oewerall ankamen.
Tau de Hufen as Form vun ein Buernhoff hüürn Huus, Hoff, Gorden, Acker un ein Andeil vun dat Gemeindeland - de Allmende. De Wirtschaft up drei Feller ward wieder utbuugt un Veihwirtschaft mit Installung dräben.
1227 nah de Schlacht vun Bornhöved (Holstein) is dat mit de dän’sche Herrschaft oewer Rügen vörbi. Dörch den Utbuug vun de Kirchspälen tau den Anfang vun dat 13. Johrhunnert kamen alle Börgers mit rin in de kirchlich‘ Organisatschion.
